तन मन लेऊला वार था पर पांच तत्व की पुतली tan man leu la var tha par panch tatv ki putli

 

तन मन लेऊला वार था पर

तन मन लेऊला वार 

पांच तत्व की पुतली या

अजब गड़ी किरतार ।टेर।


आंख नाक मुख  कान बणया

बाजा बाजे अपार 

जीणी जीणी मदुरी वाणी 

सुणे कोई ससीयार ।1।


 हाथ पांव मजबुत बणाया 

रजा बणाया चार 

अपणी अपनी जागे उपरे 

रहता है हुसीयार ।2।


आठ कवल था गजब बणाया

 द्वादश अजंपा सार

नौ नाडि और कोटा बोईतर

 दश बणाया दार ।3।


दसवे द्वारे दफतर बणया 

रोशन तकीया चार

तीन तकीयां पर राणीया विराजे

चोथा पर किरतार ।4।


कहां तक वरणु कहां तक धाऊ 

कब तक पाऊ पार

लाडु नाथ का सुन में रहणा 

आया मजा अपार ।5।

घरे पधारो गुरुदेव उतारू हर री आरती ghare padharo gurudev utaru har ri aarti

 

घरे पधारो गुरुदेव

उतारू हर री आरती।टेर।


गुरजी तनड़ा की 

मैं लावु हर के बातिया

मनड़ा रो तेल पुराय

उतारू हरकी आरती ।1।


सुरती नुश्ती की 

मेंलु बातियाँ

प्रेम की जोत जगाय 

उतारू हर की आरती ।2।


गुरु मारा असंग जुगारो 

मैं भटकीयो जी

अबके माने लिदो चरणा ये लगाय

उतारू हरकी आरती ।3।


गुरु मारा नाव 

धर्म ने नरबे जाणीयो

कदी ने भुलु दीना नाथ 

उतारू हर की आरती ।4।


भाया सुणो समयो

 जो धर्म ने धावज्यों

शंकर नाथ भाके सत परवाण 

उतारू हरकी आरती ।5।

पुरण भाग मिल्या अविन्‍यासी अबे मारी खेती नेपे आई puran bhag milya avinashi abe mari kheti nepe aayi

 

पुरण भाग मिल्या अविन्‍यासी

कृषर्ण खुब लीखाई

अबे मारी खेती नेपे आई ।टेर।


पांच बीगा की पाटी सुपी

क्यारीयां पचीस लीखाई

 काम क्रोध, मद, लोभ, अंखारा

प्रगति आकाश की थाई ।1।


ओहग बीज अरीयों धरणी में

तेज तुर्य के माई

 भुक, प्यास, आलस, निद्रा,

मृत्यु परगती, अगनी की थाई ।2।


सोहंग से उपनी आसा 

कली-कली लेराई

छल, बल, हलण, चलण,

बोलण, प्रगती पावन की पाई ।3।


आकार मुकार और ओऊंकारा

ऊरद मात्रा बाई 

हाड,मास,रूम चाम नाडि 

पगती पृथ्वी की परकाई ।4।


फल पाका वाने हरीजन चारवा

नुगरों ने गम नाई

लाल मुत्र रंगत पसीना

वीर्य जल को जोत सुआई ।5।


ज्यासे ऊगा वाई जाय पुगा

अब कुछ धोका नाहीं

शंकर नाथ छाबा भर लाया

खरीदो सन्ता भाई ।6।

मनवो हो गयो रे बेरागी ओर मारे दाय न आयोजी manva ho gayo re beragi or mare daay na ayoji

 

मनवो हो गयो रे बेरागी

ओर मारे दाय न आयोजी

ग्यान वेराग भक्ति खातीर 

जुग में आयो जी ।टेर।


मल, मुत्र को बणीयों बंगलो

इण में जामो पायो जी

गंद, बे गंद हद के पारा

ऊपर रंग डुलायो जी ।1।


है मियादी आखीर उपादी

मन युई लुबायो जी

पल में परले जावे जिरो

पतो न पायो जी ।2।


कई उपनियाँ कई खप गया

मन सोच न पायो जी

रावण कुमकरण जैसा बका ज्या

को गरब गमायो जी ।3।


चवदीश अनुभव हुआ जदी

माने चेतन आयो जी

जेटु नाथ बणज कर

भजन को उपकार सुवायो जी ।4।

जाण गयो जी पहचाण गयो जी जाण गयो बाता मारा मनड़ा की jaan hayo ji pahchan gayo ji bata mara manda ki

 जाण गयो जी पहचाण गयो जी

जाण गयो बाता मारा मनड़ा की

परीत तोड़ी जी इण तनड़ा की ।टेर।


मनख जमारो मुश्कल से पायो

लगन लगी हरी से मिलबा की


भाँत भतीला थारे महल बणाया

कोराई की दी जी पाँच रंगड़ा की


बाल पणो खेलण में गमायो

सोभा गणी रे ईण बनडा की


आयी जावानी थाने मिलगी भवनी

धाने मोसम नहीं है हरीने भजवा की


आयो बुढापो जदी छूट गयो

आपो नारी छेटी दीदी इण नखरा की


जेटु नाथ चरण चित लाया

छोडी रे उपादी इण जडा की

लख चोरासी ने शुद्ध कर हेरी न्यारी न्‍यारी धरणी साग गरु मलिया lakh chorasi ne suddh kar heri nyari nyari dharni

 

लख चोरासी ने शुद्ध कर

हेरी न्यारी न्‍यारी

धरणी साद गरु मलिया

गोपी नाथ धणीसा ।टेर।


पार ब्रह्म ने परलो समझयों

विषय की दोड़ करीसा

नो लख जल चर के भाई 

साई करेला गुणीसा ।1।


चेलो होय चरणा नहीं लागो

मांगे हीरा मणीसा

पंछी होकर फीरे भटकता

दस लख जुण भरीसा ।2।


सादमती की सेवा नहीं कीदी

 न कोई कथा सुणी सा

एकादशी भ्रंगा माये

गीसीयाँ पेट फरीसा ।3।


सत नहीं तोल्यो धर्म नहीं कीदी

पाखण्ड पुजा करी सा

बीस लाख सतावरा माये

 काटेला डाल परी सा ।4।


अपणी तलवार ने दल कर राके

पार की हाथ धरी सा

तीन लाख पुशओ के माये

सूनी गाय फीरीसा ।5।


असी लाख में बहुत भरमीया

कठी ने मिलीयों धणीसा

चार लाख चवदस घट 

ऊंगा मानव देवणी सा ।6।


नौ लख जल चर दस लाख पंछी

एकादशी भ्रा धणीसा

बीस सतावर तीस पशु वार

मल चोरासी बणीसा ।7।


सतसंग करले चोगस रखले

अबे माने पारक मलीसा

शंकर नाथ समज कर हेरी

पाया मोज घणीसा ।8।

सतगुरु अजब सुणायों ज्ञान नोपत नरबे की बोले जी satguru ajab sunayo gyan nopat narbe ki bole ji

 

सतगुरु अजब सुणायों ज्ञान

नोपत नरबे की बोले जी


पाँच ततव की बणी काया

उपर रंग सुरंग भराया

नौ दरवाजा गजब बणायां है

ताला मारा संत गुरु खोले ओ ।1।


प्रथम द्वारे गुणपत पाया

सुकर द्वारे हीरा बर सायौ

भर छड़ावा मोतियों की लाया है

हीर कोई हरी जन भोले हो ।2।


ले माणक उगम घर आया

सील तेज का पता लगाया

पावन पुरुस का पकड़ियाँ पाया है

चतर कोई आ वीद खेले ।3।


ओ दक्षीण आरे दर्शन पाया

पिछम द्वारे ग्यान सुणायों

हो गया अब मन का चाया है

सुरत मारी सुख भर जुलेओ ।4।


दसवे द्वारे अब चल आयो

हद बेहद बीचे आसण पाया

जेटूनाथ जोगा राम पाया

पार माने किेया पेले हो ।5।

उमावो लागे रे अमर लोक रो जाणो भायों विकट मजधार umavo lage re amar lok ro jano bhaya vikat majdhar

 

उमावो लागे रे अमर लोग रो

जाणो भायों विकट मजधार 

सादुड़ा पुगा अपणी गोत रा ।टेर।


बडला सलगावो भाया पीपला

सांदो भायों सरवररिया री पाल

धरमीड़ा जावे जी फूल विरोलता

पापीड़ा पर पड़े बडकी डाल ।1।


आबुसण पहरावो मुखमल मोचडीयों

सन्ता को करो संतकार

 ऐ पुष्प बेबाणा वारा बेठणा

पापीडा रे खाँडा वाली धार ।2।


जीवड़ा मत मारो मारा  भायड़ा

मती ताको ओरी पराई नार

मदंडो माणो तो नरगा जावणा

थाने मारा गुरा जी की आण ।3।


कन्या परण वो धर्म धारणा

मात पिता को पुत्र अज्ञाकार

सरवण जैसा पुत सुहावणा

बेतरणी से उतरे पेली पार ।4।


पुरब द्वारे थाकां बैठणा

चित्रगुप्ता करे संतकार

परवाना सुणलो जी जेठु नाथ का

बाच देखो गुरड़ पुराण ।5।

सतगुरु दीदी शब्द की चोट अबे माने आण जगाया जी satguru didi shabd ki chot abe mane aan jagaya ji

 

सतगुरु दीदी शब्द की चोट

अबे माने आण जगाया जी ।टेर।


लख चौरासी में भटकत

फीर फीर हो गया काया जी 

नर तन पायो जुग में आयो

माता मारी लाड़ लड़ायो है ।1।


कृपा करी गुरु देव 

सिर पर हाथ धरायो जी 

प्रथम सेवा माता पिता की 

शीर रण परायोजी ।2।


तीजी सेवा ईश्वर की करो 

जीरो फल सवायो जी 

अमर लोक का खुले दरवाजा

गुरा यु फरमायों जी  ।3।


शंकर नाथ मीलीया गुरु पुरा

हो गयो मन चायो जी

जेटु नाथ समज कर 

अबके पकड़ पायो जी ।4।

भक्ति है पारस खान सुणज्‍यो कोई छोडो मती bhakti hai paras khan koi chodo mati

 

भक्ति है पारस खान

सुणज्‍यो कोई छोडो मती ।टेर।


लोहा समान सभी संसारा

पारस है मेरे गुरु दातारा

जागा जाका भाण

पारस से हो गई एक मती ।1।


लोहे का कंचन कर

द्वारा नगर माये हुआ उजारा

वाने सोज्या संत सुर ज्ञान

माने कमी न दिखे पावरती ।2।


संत गुरु सायब सोनी बन आया

पकड हाथ एरण चढवाया

शक्ति ने बनायों हार

शिव के बनाई लड़ा अती ।3।


हाथ में मारे सोवे अंगोठी

नाका नंतरी सोवे मोटी

नेण में सुरमों सार

मुखड़ा री चुपा भुलो मती ।4।


नथड़ी में नग राता पीला

हरा सफेद श्याम है ।

काला श्याम में सुरत सगाय

मारे ओरी नग है अटापटी ।5।


गोपीनाथ माने भलिया खोजी

शंकरनाथ पर हो गई मरजी

दुर्बल पर दया विचार

तुम भवसागर भैवो मती ।6।

चार खान में बहुत दुःख पाया चुबती धारा अणीसा char khan me bahut dukh paya chubti dhar ganisa

 

चार खान में बहुत दुःख पाया

चुबती धारा अणीसा 

गुरु मिलिया

गोपीनाथ धणीसा ।टेर।


पंड खान परमार्थ कारण 

भेजीया श्याम धणी सा

 विषय वासना में भुल गयी है

माय आन खडी सा ।1।


अंडखान की पशु जुण में

सही वीपता घणी सा

जन्म जरणी का दूध नहीं पीया

डरपोक से पालना करीसा ।2।

 

जडखान बनास पती कहिये

वा भी सेल करीसा 

डीमुल काटता वाने 

मुख बना बोले कुणी सा ।3।


उदमुद खान में पाव पसारीया

वा भी संगत करी सा

कदीक जलचर कदीक थलचर

नत नई देह धरी सा ।4।


चारखान चौरासी माये

फीरीया टेम घण्टी सा 

मेराा करीज बार निकालया

गीता की साख भरीसा ।5।


सत संग कर योगस इकले

हाथ में आई मन्टी सा

शंकर नाथ रेवे गरू आग्या

होवेसा कृपा घणी सा ।6।

भक्ति है कालो नाग सुणज्यो कोई पकडो मती bhagti he kalo naag sunjyo koi pakdo mati

 

भक्ति है कालो नाग

सुणज्यो कोई पकडो मती ।टेर।


सपल पीयाला वांका वासा 

चवदा लोक करे सब आसा

फण उपर पृथ्वी ने धारा

ज्या उपर इच दी रचना अति ।1।


पन्‍द्रा करोड़ा नाग पकडीया

पाँच करोड जामु जड पडिया

पाँचा ने प्रागियो नाग

पाँचा की हो गई एक मती ।2।


अकीस करोडा नाग पकडीया

सात करोड जामु जड पडीया

साता ने खा गयो नाग

साता की हो गई एक मती ।3।


सताईस करोडा नाग पकडीया

नो करोड जामु जड़ पडीया

नोवा ने खा गयो नाग

नो वाकी हो गई एक मती ।4।


छतीस करोडा नाग पकडीया

बारा करोड जामु जड पडीया

बारा ने खा गयो नाग

बारा की हो गई एक मती ।5।


पांच सात नो बारा मलिया

शंकरनाथ वामे जा भलिया

सतगुरु को आधार 

छोडुतो होवे और गति ।6।

लोकप्रिय पोस्ट

मैंने तेरे ही भरोसे हनुमान सागर में नैया डार दई भजन maine tere hi bharose Hanuman sagar me naiyya dar dayi bhajan

मैंने तेरे ही भरोसे हनुमान, सागर में नैया डार दई  ।।टेर।। काहे की या नाव बनाई , काहे की पतवार। रामा काहे की लगा दी जंजी...