गाज रियो घमगोर टहूंका मोर का।
चाले संत की चाल,
लखण तो चोर का है जी ।।टेर।।
पांच भाया की जोड़ हथाया बैठणा।
बेरी माने काण हथाया हाजणा जी।।1।।
गायां भेस्यां को ठाट दूध का पीवणा।
धोली मक्की की गाट दही में ओलणा जी।।2।।
सल्ला हेटू हाथ कला कर काडणा।
पर नारी से हेत टले तो टालणा जी।।3।।
पाणी पेली पाळ बंधे तो बांधणा।
बगसोजी खाती कहे धण्यां ने धावणा जी।।4।।
पहली थरपना प्रहलादजी कीदी,
कोप कियो हरणाकुश राय।
खम्भ फाड़ धणी दरसण दीदा,
नरसिंह रूप धर्यो अवतार।।1।।
भगता की भार सुणो धनी रामा,
न सुनो माता मैना दे की आण।
न सुणो अजमाल जी की आण,
आलस मोड उठो धनी रामा।।टेर।।
राजा हरिचंद राणी तारादे,
कंचन महल किया कुरबान।
नीच मोयला में नीर भरिया,
ने छोड़ी सतड़ा की बाण।।2।।
पांचू पांडू माता कुन्ता,
सतवंती दरोपद नार।
आम्बा बेल्या आरोधे आया,
भून्योड़ो आम लग्यो छिन मांय।।3।।
राजा बलि ने गणो डरायो,
बावन रूप धर्यो अवतार।
नाथ द्वारे चरण चापिया,
बीज थरपना बलि के द्वार।।4।।
आगे आता ढील नहीं करता,
ज्यो आती बछड़ा पर गाय।
भगता की भार हेर कर लेता,
जा मिलता दरगा के मांय।।5।।
ईसरदास मल्या गुरु पूरा,
वे दीदी माने सिमरण हाथ।
बगसोजी भणे आपको नेमी,
जुगां जुगां से लागा लार।।6।।
बापजी वो राज,
नहीं सुणो माता मेणादे की आण।
नहीं सुणो पिता,
अजमालजी की आण।
साधा की सायल,
सुणो धणी रामा है जी।।टेर।।
बापजी वो राज
पेली आता ढील नहीं करता।
ज्यूं आती बछल्या पर गाय,
नहीं
सुणो माता।।1।।
बापजी वो राज
हरचंद हेत धण्या से राख्या।
बिकग्या हाथो हाथ,
नहीं सुणो माता।।2।।
बापजी वो राज
पंडवा जो प्रीत रामजीऊ राखी,
केरू पांडवा के भारत रचिया।
आम्बा की बैला आरोध्या आय,
नहीं सुणो माता।।3।।
बापजी वो राज,
राजा बल के आप पधार्या,
बावन रूप कियो अवतार।
तीन पावडा धरण मापी,
पाल्या पण्ड पराई काया,
नहीं सुणो माता।।4।।
बापजी वो राज,
भगत प्रहलाद ने बहुत डराया,
नरसिंग रूप कियो अवतार,
खम्भ फाड़ धणी दरसण दीना,
नहीं सुणो माता।।5।।
बापजी वो राज
हरि चरणे खाती बगसो जी बोले,
जुगां जुगाऊ लागा थाकी लार।।5।।
नर थारी मुरजी व्हे तो मानजा रे,
सतगरू समजावे रे।।टेर।।
नर पर घर को कई बैठणो रे,
थारो मान घटावे रे।
मान घटावे आपणो रे,
बुद्धि हीण कुवावे रे।।1।।
नर डोडी बांधे पागड़ी रे,
नर छाया नरखे रे।
नर चार दना को पावणो रे,
नर जातोई रहलो रे।।2।।
नर ऊसर खेती नहीं बावणो रे,
नर बीज गमावे रे।
बीज गमावे गांठ को रे,
नर हाथ न आवे रे।।3।।
गांव खण्डेला पालड़ी रे,
खाती ‘बगसोजी’
गावे रे।
छोडा पाड़े ज्ञान का रे,
बाणी अणभे भाके रे।।4।।
राम के नाम बिना रे मूरख राम के नाम बिना रे, जल जइयो जिह्वा पापनी, राम के नाम बिना रे ।।टेर।। क्षत्रिय आन बिना, विप्र ज्ञाण बिना, भोजन मान ...
