मूसे असवारी रामा गणपत आवो,
संग में रिद्धि सिद्धि लावो।।१।।
नंदीये असवारी रामा शिवजी पधारो,
संग में पार्वती लावो।।२।।
ब्रह्मा भी आवो विष्णु भी आवो,
संग में लावो जी सरस्वती।।३।।
रामा भी आवो सावरांं लछमण आवो,
संग में सीता जी को लावो।।४।।
बाई मीरांं के प्रभुु गिरधर नागर,
चरणों में शीश नवाऊ नवाऊ।।५।।
सांवरा आओ तो सरी,
मोहन आओ तो सरी ।
माधव रे मन्दर में,
मीरां एकली खड़ी ।।टेर।।
थे केवो तो सांवरा,
मैं जल जमना बण जाऊं ।
न्हावण लागे सांवरा,
थारे अंग अंग रम जाऊं
।।1।।
थे केवो तो सांवरा,
मैं मोर मुकुट बण जाऊं ।
पहरण लागे सांवरा,
थारे मस्तक पे रम जाऊं
।।2।।
थे केवो तो सांवरा,
मैं बांसुरिया बण जाऊं ।
बंशी बजावो सांवरा,
थारे होठां सूं लग जाऊं
।।3।।
थे केवो तो सांवरा,
मैं काजलियो बण जाऊं ।
काजल काढ़े सांवरा,
थारे नैना में रम जाऊं
।।4।।
थे केवो तो सांवरा,
थारे हिवड़े हार बण जाऊं ।
पहरण लागे सांवरा,
थारे हिवड़ा में रम जाऊं
।।5।।
थे केवो तो सांवरा,
मैं पग पायल बण जाऊं ।
रास रचावे सांवरा,
थारे चरणां में जाऊं ।।6।।
मीरां हर की लाड़ली,
वा है वचनां की सांची ।
चारभुजा का मन्दर में,
वा बांध घुघरा नाची ।।7।।
काली कामलिया मोहन की,
मारा तन पर ओढूली।।टेर।।
एक समय मैं सूती महल में,
आ गई निंदड़ली।
आंगली पकड़ मारो कूंचो मरोड्यो,
खुल गई निंदड़ली।।1।।
एक समय मैं गई बागा में,
संग में साथड़ली।
साथडिया मारी बिछड़ गई रे,
रह गई एकलड़ी।।2।।
एक समय मैं गई जल भरबा,
माथे गागरली।
सामे मिलग्या कृष्ण मुरारी,
आ गई लाजड़ली।।3।।
एक समय मैं महीड़ो बलोयो,
काडी छाछड़ली।
माखण माखण कानो खाग्यो,
रह गई छाछड़ली।।4।।
वृन्दावन की कुंज गली में,
बाजी बांसुरली।
बाई मीरां के घरे पधारो,
रांधू खीचड़ली।।5।।
रामजी रंगीलो भेलो आयो ये,
मांय अमरापुरी में बाई को सासरो।।टेर।।
सदा तो शिवजी वो माने,
बहुत सुख दीनों है।
ज्ञान वालो भेद बतायो ये।।1।।
पार्वती माता माने,
गोद में खेलाया है।
नेम वाली चुंदडी ओढ़ाई ये।।2।।
ब्रह्मा न विष्णुजी मारे,
जान्या चढ़ आया है।
गणपत ने तो अगवाणी लाया ये।।3।।
धनाजी भगत मारे,
मायरा में आया है।
तूम्बा माये मोती भर लाया ये।।4।।
नारद मुनिजी मारे,
मायरा में आया है।
प्रेम से तो मायरो पहरायो ये।।5।।
ढोल नंगारा धणी के,
नोबत बाजे है।
गगन मण्डल घरणायो ये।।6।।
बाई मीरां के सांवरा,
गिरधर नागर है।
देश तो गुराजी वालो पायो ये।।7।।
कोई कहियो रे सांवरिया घर आवण की,
आवण की रे मन भावण की।।टेर।।
आप न आवे लिख नहीं भेजे,
बाण पड़ी ललचावण की।।1।।
ये दोई नैण कियो नहीं माने,
नदिया बहे रे जैसे सावण की।।2।।
क्या करू कुछ बस नहीं चाले,
पंख नहीं रे उड़ जावण की।।3।।
मीरां के प्रभु कब रे मिलोगे,
चेरी भई हूं तेरे दावन की।।4।।
आज मारा दादा भाई तो,लगन लिखाया है।
परणबा की बेला में तो पेली नटगी।।1।।
राणाजी मू तो नहीं रेऊला थारी अटकी।
लाज शरम मारी पेला मटगी।।टेर।।
नत रे उठी न मीरा मन्दर चाल्या है।
गोड रे चन्दन की मीरा लीदी टपकी।।2।।
नत रे उठी न मीरा पाणीड़े चाल्या है।
हाथ में बेवड़लो वा तो माथे मटकी।।3।।
नम रे उठी न मीरा सतसंग खल्या है।
ज्ञान न भजनां री मीरा बांधी गठड़ी।।4।।
हर का चरणां में बाई मीरा जो बोले है।
गरू का चरणां माये जाय लपटी।।5।।
नहीं
कायरिया रो काम राणा नहीं...।
सूरा
पूरा री भगती खेलणो रे जी।।टेर।।
चढ़ी
चितोड़गढ़ री जान मीरा चढ़ी...।
राणा
परणबा ने घरे आविया रे जी।।1।।
घवला रचिया रे तन्दूकार राणा...।
हाथा
डेरा तम्बू ताणिया रे जी।।2।।
भंगवा
कपड़ा ने परा खोल मीरा भंगवा...।
पड़लो
पहरो ने राणा राव रो रे जी।।3।।
पड़लो
थारी दास्या ने पहराय राणा...।
भंगवा
पहरिया हर रा नाम रा रे जी।।4।।
हाथा
रा गजबन्द परा खोल मीरा...।
चूड़लो
पहरो ने राणो राव रो रे जी।।5।।
चूड़लो
थारी दास्या ने पहराय राणा...।
काकण
बांध्या वो हर रा नाम रा रे जी।।6।।
गला
री कण्ठी री माला खोल मीर...।
हार
पेरो ने राणा राव रो रे जी।।7।।
हार
थारी दास्या ने पहराय राणा...।
माला
पेरी वो हरि रा नाम री रे जी।।8।।
पगा
री पावडिया परी खोल मीरा...।
मोचडिया
पेरो ने राणा राव री रे जी।।9।।
मोचडिया
थारी छोर्या ने पहराय राणा...।
पावडिया
पेरी वो हर रा नाम री रे जी।।10।।
महला
री खड़क्या परी खोल मीरा...।
तोरण
आयो ये बनड़ो एकलो री रे जी।।11।।
लादी
लादी ये मरदंग ताल राणा...।
भजन
करा वो हरि रा नाम रा रे जी।।12।।
ताम्बा
री कुण्डीया में गेहरू घाळ राणा...।
भंगवा
रंगादे हर का नाम का रे जी।।13।।
हर
का चरणा में मीरा बोले।
गरूजी
मलग्या रोहिदासजी रे।।14।।
बीज
न थावरियो रूड़ो बार,
मीरा
बीज न थावरियो रूड़ो बार।
उंडी
थलिया में जमला जागीयो रे जी।।1।।
मैं
तो जोऊ वो सांवरिया थारी बाट,मैं तो...।
मीरा
रा आरोध्या बेगा बावड़ो रे जी।
मंगरे
बोले दादर मोर, मीरा मंगरे...।
बागा
में बोले वो बेरागण कोयल्या रे जी।।टेर।।
काकडीये
आगी ये मीरा थारी जान।
राजा
री थलिया में हमचो लागयो रे जी।।2।।
परगटिये
आगी मीरा की जान।
पाणी
री पणिहार्या हमचो लागियो रे जी।।3।।
गोरमे
आगी ये मीरा थारी जान।
चोबारे
तम्बू तो उठे लागियो रे जी।।4।।
तोरणिये
आगी ये मीरा थारी जान।
हाथी
रे होदे तो तोरण मोरियो रे जी।।5।।
चंवरिया
में आगी ये मीरा थारी जान।
हाथा
का हथलेवा उठे जोडि़या रे जी।।6।।
सुणज्यो
मीराबाई का बोल,कोई सुणज्यो...।
गरूजी
मलग्या वो रोहिदास जी रे।।7।।
मारी
नैया ने पार लगावो रे,
सांवरा
गिरधारी।।टेर।।
खम्म
फाड़ प्रहलाद बचायो,
हिरणाकुश
ने मारा रे।।1।।
द्रोपदी
का चीर बढ़ाया।
राम
नाम गुण गाया रे।।2।।
मीराबाई
ने प्रभु तेरा गुण गाया।
जहर
का अमृत बणाया रे।।3।।
नरसी
भगत ने तेरा गुण गाया।
नानीबाई
ने मायरो पहरायो रे।।4।।
करमाबाई
ने तेरा गुण गाया।
रुच
रुच भोग लगाया रे।।5।।
मीरां
दासी जनम जनम की,
चरण
कमल में राखो सांवरा।।6।।
आज तो आनन्द मारे,
कृष्ण आये पावणां।।टेर।।
फूला हंदी सेज बिछाऊ,
फूलों का बिछावणा।
फूली फूली राधा डोले,
गावती बधावणा।।1।।
गेंद के खिलैया जरा,
टोरा तो लगावणा।
कालीदेह में कूद पड़े,
नाग नाथ लावणा।।2।।
मथरा में कंस मार्यो,
पिता को छुडावणा।
पहुंचे बलि मखशाला,
रूप धरे बावना।।3।।
बंशी के बजैया जरा,
फेर से बजावणा।
मीरां को तुम्हारी आश,
हिये से लगावणा।।4।।
बलिहारी जाऊ मारा सतगरू की,
मारा भूल्या भरम सब धोय।।टेर।।
जब तक सतगरू न मिल्या जी,
रही भ्रम में सोय।
सतगरू का उपदेश से जी,
सच्ची लागी वो मेरे लोय।।1।।
करम काट कोयला करिया जी,
धरिया अगन पर जार।
लोभ लालच को जालता जी,
सतगरू मिल्या जी लुहार।।2।।
पांच पचीसो सारा जलाया,
माया दूर भगाय।
ज्ञान सबद की फूंक से जी,
सुरत हरि में लाय।।3।।
दीपक ज्योति मिल गई जी,
हुयो अन्धेरो नाश।
बार बार मीरां कहे जी,
सतगरू मिल्या जी रैदास।।4।।
काया ने सिणगार कोयलिया,
पर मण्डलिया मत जाज्यो ये।
पर मण्डलिया रा नहीं रे भरोसा,
अद बिच में रुल जावो ये।।टेर।।
खारे समंद को खारो पाणी,
वो पाणी मत लाज्यो ये।
थोड़ो नीर गणो कर मानो,
नीर गंगाजल लाज्यो ये।।1।।
गहरो गहरो फूल रोहिड़ा रो कहिये,
वो फूलड़ो मत लाज्यो ये।
छोटो फूल बड़ो कर मानो,
फूल हजारी गुल लाज्यो ये ।।2।।
उजड़ बनी में ऊबी खेजड़ी,
उण छाया मत जाज्यो ये,
अगम पछम का बाजे बायरा,
कांटा में रुल जासी ये।।3।।
बाई मीरां ने गिरधर मलिया,
उण मंडलिया भल जावो ये।
उण मंडलिया का गणा भरोसा,
डूबतड़ा तर जावो ये।।4।।
तुम रिद्धि सिद्धि लेकर आवो,
गजानन्द प्यारा ।।टेर।।
एक रणत भंवर आप बिराजो देवा।
एक रिद्धि सिद्धि लारा लाय करू थारी सेवा ।।1।।
एक हरी हरी पीली देवा आंगणो निपाऊ देवा ।
एक मातियां रा चौक पूराय करू थारी सेवा ।।2।।
एक न्हाय धोय कर स्नान कराऊ देवा।
इक आभूषण माला पहराय करू थारी सेवा ।।3।।
इक चव चव चन्दन और अरगजा देवा।
एक केशर तिलक चढ़ाय करू थारी सेवा ।।4।।
एक धूप दीप कर आरती संजोऊ देवा।
एक लडूवां का भोग लगाय करू थारी सेवा ।।5।।
एक लोंग सुपारी पान केरा बिड़ला देवा।
एक श्रीफल भेंट चढ़ाय करू थारी सेवा ।।6।।
एक थारी माता पार्वती है देवा।
एक पिता शंकर देव करू थारी सेवा ।।7।।
एक ऊंचे पर्वत आप बिराजो देवा।
एक नीचे नगर बसाय करू थारी सेवा ।।8।।
एक बाई मीरां के प्रभु गिरधर नागर देवा।
एक चित चरणां में लाय करू थारी सेवा ।।9।।
राम के नाम बिना रे मूरख राम के नाम बिना रे, जल जइयो जिह्वा पापनी, राम के नाम बिना रे ।।टेर।। क्षत्रिय आन बिना, विप्र ज्ञाण बिना, भोजन मान ...
