डूंगर रे भाखर में थारो देवरो ये, जगदम्‍बा अम्‍बा माय भजन लिरिक्‍स dungar re bhakhar me tharo devro ye jagdamba amba maai

डूंगर रे भाखर में थारो देवरो ये,

जगदम्‍बा अम्‍बा माय।

लाला जडियो ये लख चार माताजी ।।टेर।।

आंदला तो आवे थारे जातरी ये,

जगदम्‍बा अम्‍बा माय

आंदला ने आंख्‍या दराय माताजी ।।1।।

पांगला तो आवे थारे जातरी ये,

जगदम्‍बा अम्‍बा माय

पांगला ने पांव दराय माताजी  ।।2।।

कोडिया तो आवे थारे जातरी ये,

जगदम्‍बा अम्‍बा माय

कोडिया रा कोड जड़ाय माताजी ।।3।।

बांजडिया तो आवे थारे जातरी ये,

जगदम्‍बा अम्‍बा माय

बांजडिया रे पालणा बंधाय माताजी  ।।4।।

दुखिया तो आवे थारे जातरी ये,

जगदम्‍बा अम्‍बा माय

दुखिया रा दुखड़ा मिटाय माताजी  ।।5।।

लालू रे भोपा की कीज्‍यो विणती ये,

जगदम्‍बा अम्‍बा माय

जुग जुग चरणां में राख माताजी ।।6।।

राखो लाज ऐ मारी आद भवानी भजन लिरिक्‍स rakho laaj mari aad bhawani bhajan lyrics

शरणे आया की राखो लाज,

ऐ मारी आद भवानी ।।टेर।।

आद भवानी अम्‍बका सजी,

मोटी देव धरियाणी।

आशा थारी लाग रही है,

जगदम्‍बे महाराणी।।1।।

कलुकाल के मांयने।

सरे चाली थारी धाम।

बांका ने सूदा करो,

सजी जनम सुधारण मात।।2।।

बांयी भुजा हनुमान बिराजे,

सामे सगस को थान।

दूूर दूर का आवे जातरी,

भोपा राखे मान।।3।।

ऊंचा बणियां परकोटा,

मोटा आवरा का थान।

जात जात की बणी सराया,

भोपाजी का मान।।4।।

सामे साम दरखत बड़ला को,

बैठे जातरी आन।

भड़े जो आ गियो पाणी को,

पनघट सापड़ करो स्‍नान।।5।।

बाडि़या नगर के मांयने,

सजी बैठी आवरा माय।

ठाकुरजी की महिमा भारी,

भैरूजी को थान।।6।।

जितनी महिमा देखी आपकी,

उतनी गाय सुणाय।

सांच झूठ की आप ही जाणो,

जगदम्‍बे महाराणी ।।7।।