मूसे असवारी रामा गणपत आवो,
संग में रिद्धि सिद्धि लावो।।१।।
नंदीये असवारी रामा शिवजी पधारो,
संग में पार्वती लावो।।२।।
ब्रह्मा भी आवो विष्णु भी आवो,
संग में लावो जी सरस्वती।।३।।
रामा भी आवो सावरांं लछमण आवो,
संग में सीता जी को लावो।।४।।
बाई मीरांं के प्रभुु गिरधर नागर,
चरणों में शीश नवाऊ नवाऊ।।५।।
सीवरों सादा गणपत देवा,
भुल भरम में मत रीजो
निरभय पिया जी निरगुण धारा,
सरीगुण काज सरालिजो ॥1॥
गुणा के पति गुराजी ने शीवरू,
त्रीगुण त्राप मिटा दिजो।
गवरी के पुत्र गजानन्द शीवरू,
रीद्धी सीद्धी ने संग लिजो ॥2॥
तोड़ी भीत रीत सब जाणी,
दर्शन कर मारो मन रीज्यो।
चरण कमल में गंगा खलकी,
ले प्यालो अमरत पीज्यो ||3॥
जोग भोग संजोगु पारा,
विजोग वासना ने पर हरजो।
पांच विषय ने परले मेलो,
पांच बेडी पुजन करजो ॥4॥
नांव धर्म ने नरबे जाणो,
और देव ने मत पुजो।
पड़ो ला पंड पार नहीं जावो,
अतरो भरसी लिखर लिज्यों॥5॥
गोपीनाथ मिलीया गुरु पुरा,
धायो देव मा नही दुजो।
शंकर नाथ गुराजी के शरणे,
नाम को पकडीयो पन्जो ॥6॥
गणराज थाने सबसे पेली,
धाऊ मारा देव।
गणराज जी ओ गणराज॥टेर॥
माता कहिजे पारवती,
पिता कहे महादेव, पिता है शंकर
देव।
राजा परजा बादशाह,
सभी करे थारी सेव॥1॥
रणत भंवर को बैठणो,
आवे देव तमाम।
सारा पेली जो जपे,
उनका सुधरे काम॥2॥
दून्द्याला ने दु:ख ने हरो,
दीखो बाली बेस।
सारा पेली सिंवरता,
काटो सब ही कलेश॥3॥
शुरू करो कोई काम को,
ले गणपत को नाम।
रिद्धि सिद्धि वहां आवसी,
दन दन दूणो दाम॥4॥
भैरू लाल की बिणती,
सुणज्यो गणपत राय।
सब पर किरपा राखजो,
राखो सब ने हरसाय॥5॥
गणपति थाने मनाया,
माने सुद बुद आवे छ।
भूली विद्या रा सुमरण,
गणपति देव करावे छ।।टेर।।
माता गवरी शंकर का,
गणपति पुत्र कहावे छ।
मोटा मन्दर तुम्हारा,
दुनिया दरसण पावे छ।।१।।
सावण अन्तिम रविवारो,
थारो मेलो आवे छ।
दुनिया आवे परसादी लावे,
भेंट चढ़ावे छ।।२।।
राजा परजा बोपारी वो थाने,
सदा मनावे छ।
मंगलकारी कामां में थाने,
नूत बुलावे छ।।३।।
बिगड्या कारज होवे तो,
कृपा कर सुलझावे छ।
बल बुद्धि विद्या वरदायक,
विघन नसावे छ।।४।।
कल्याण भारती सतगरू ,
गणपति का रूप लखावे छ।
गणपति महिमा सतसंग में,
सेवा भारती गावे छ।।५।।
तुम रिद्धि सिद्धि लेकर आवो,
गजानन्द प्यारा ।।टेर।।
एक रणत भंवर आप बिराजो देवा।
एक रिद्धि सिद्धि लारा लाय करू थारी सेवा ।।1।।
एक हरी हरी पीली देवा आंगणो निपाऊ देवा ।
एक मातियां रा चौक पूराय करू थारी सेवा ।।2।।
एक न्हाय धोय कर स्नान कराऊ देवा।
इक आभूषण माला पहराय करू थारी सेवा ।।3।।
इक चव चव चन्दन और अरगजा देवा।
एक केशर तिलक चढ़ाय करू थारी सेवा ।।4।।
एक धूप दीप कर आरती संजोऊ देवा।
एक लडूवां का भोग लगाय करू थारी सेवा ।।5।।
एक लोंग सुपारी पान केरा बिड़ला देवा।
एक श्रीफल भेंट चढ़ाय करू थारी सेवा ।।6।।
एक थारी माता पार्वती है देवा।
एक पिता शंकर देव करू थारी सेवा ।।7।।
एक ऊंचे पर्वत आप बिराजो देवा।
एक नीचे नगर बसाय करू थारी सेवा ।।8।।
एक बाई मीरां के प्रभु गिरधर नागर देवा।
एक चित चरणां में लाय करू थारी सेवा ।।9।।
पहला जुगांं में प्रहलाद आया,
लारे रतनादे राणी।।1।।
दूजा जुगां में हरिचंद आया,
लारे तारादे राणी।।2।।
तीजा जुगां में जेठल आया,
लारे द्रोपद नारी।।3।।
चौथा जुगां में बलचंद आया,
लारे संजादे नारी।।4।।
दोय कर जोड़े राणी रूपादे बोले,
घर मालजी के नारी।।5।।
कारज सारो सृष्टि का सजी हो,
शंकर सुत देव गणपत।
तीन लोक के मायने सजी करे,
मुनि जन सेव गणपत।
करे मुनि जन सेव देव और दाहिना,
त्रिलोकी के माय रिया नहीं सायना।।1।1
एक समय नल भूपरा का,
छूट गया था राज गणपत।
दमयन्ती गणपत ने सिवर्या,
सर्या मनोरथ काज गणपत।
सर्या मनोरथ काज भूप नल उबर्या।
नरवरगढ़ के माय राज फिर से कर्या।।2।।
जान चढ़ी श्रीकृष्णचंद्र की,
कुनणापुर मांय।
देख रूप विकराल राज का,
ले गिया जान में नांय।
ले गिया जान में नांय शरम का मारिया,
मुसा खोदी भोम क जादव हारिया।।3।।
ब्रह्माजी सृष्टि रचाई,
पेली तुझे मनाया गणपत।
शिवशंकर का लाड़ला जी,
कोई पार्वती का जाया गणपत।
पार्वती का जाया काज सब सारिया,
ध्याया ज्यांरा का बेड़ा पार उतारिया।।4।।
ओछी पिण्डीया दूंद दुदियालाे,
भाल तिलक चमकन्त गणपत।
रिद्धि सिद्धि राणी ऊबी टेल में,
निसदिन चंवर ढुलन्त गणपत।
निसदिन चंवर ढुलन्त क हाजर टेेल में,
लच्छीराम पर कृपा करज्यो खेल में।।5।।
सुरत माय शारद सिमरू,
पढु भगवद गीता ।
गुरांपीरा ने सदाही मैं सिमरू,
कटे जाल जम का ।।1।।
सागर पर धणी सिला तिराई,
नाम लिया अवगत रा ।
राजा रावण की लंका जलाई,
हनुमत दीन्हा डंका ।।2।।
गिरवर धार गोकुल उबारियो,
झोड़ मेटिया इन्द्र का ।
सिरियादे रे आरोधे आया,
बछिया उबारिया मंजारी का ।।3।।
बेस पिपाल कालो नाग नाथियो,
सगलाई गुण गोविन्द रा ।
रूपादे रे आरोधे आया,
थाल भरिया फुलन का ।।4।।
काया नगर मे उलटाया गोला,
ठाट पार पवनरा ।
गुरूप्रताप सिवरे माली लिखमी,
नहीं भरोसा काया छन रा।।5।।
राम के नाम बिना रे मूरख राम के नाम बिना रे, जल जइयो जिह्वा पापनी, राम के नाम बिना रे ।।टेर।। क्षत्रिय आन बिना, विप्र ज्ञाण बिना, भोजन मान ...
