थोथी थलिया में थारो देवरो वो,
रूणेजा वाळा श्याम।
धजा रे फडूके असमान बाबा रे ।।टेेर।।
आंदला तो आवे थारे जातरी वो,
रूणेजा वाळा श्याम।
आंदला ने आंख्या दराय बाबा वो ।।1।।
पांगला तो आवे थारे जातरी वो,
रूणेजा वाळा श्याम।
पांगला ने पांव दराय बाबा वो ।।2।।
कोडिया तो आवे थारे जातरी वो,
रूणेजा वाळा श्याम।
कोडिया रा कोड जड़ाय बाबा वो ।।3।।
बांजडिया तो आवे थारे जातरी वो,
रूणेजा वाळा श्याम।
बांजडिया रे पालणा बंधाय बाबा वो ।।4।।
दुखिया तो आवे थारे जातरी वो,
रूणेजा वाळा श्याम।
दुखिया रा दुखड़ा मिटाय बाबा वो ।।5।।
भाटी हरजी की कीजो विणती वो,
रूणेजा वाळा श्याम।
जुग जुग चरणां में राख बाबा वो ।।6।।
