बोलता बड़ाग बोफा डांटता तंड़ीग है।
झूठला संगत में मत आ नागड़ा धड़ींग है।।टेर।।
भेल भाल्या डकर चाल्या,
गत में घाल्यों धींग है।
बळद बाबजीऊ डरता रहीज्यो,
आण रोपे सींग है।।1।।
साद कांकाे सागे ढांढो,
खांड्यो सींग खड़ींग है।
पूंछ बाड्यो लडबो मांड्यो,
नागड़ो धड़ींग है।।211
ऐसो कैसो कायर भैंसों,
आकल्यो अड़ीग है।
आकल्या पाडाऊ डरता रहीज्यो,
डीड माने नहीं डींग है।।3।।
हड़क्ये कूतरे हाथी मार्यो,
स्याल मार्यो सिंह है।
हड़क्या कूतरा के ओ निशाण है,
कुत्तो है भसींग है।।4।।
शिवनाथ जी सतगरू मलग्या,
'कनीराम' मेल्यो धींग है।
भूराे गाडर यूं भणे,
गरू मेरा दोइ असलींग है।।5।।
