गरूजी आया ये प्यारा पावणां मारी हेली,
मूंगी करूं ये मनवार।
हेली ये मूंगी करूं ये मनवार ।।टेर।।
गाय दुवाडू छालरी मारी हेली,
दूध पकाऊला पाव।।1।।
भेंस दूवाडू भूरड़ी मारी हेली,
गुदली रंदाऊला खीर ।।2।।
गाठा गेहूंवा का पोवा फाफरा मारी हेली,
हरिया मूूंगा की दाल ।।3।।
लूसी तो रांधू लापसी मारी हेली,
मायेे निलोडिया नारेल ।।4।।
चांवल रांधू ऊजला मारी हेली,
धपसा परूसूला खाण्ड ।।5।।
ऊंचा तो रालू बैठणा मारी हेली,
अधर परूसूला थाल ।।6।।
बाई मीरां की कीजे बीणती मारी हेली,
चरणां में शीश नवाय ।।7।।
