कर करड़ाटो उठी बापड़ी,
ज्यू ज्यू उठे गोठे।
नशाबाज की नार दु:खी है,
सुणज्यो छोटे मोटे।।टेर।।
भांग अमल आरोगे,
ओरी गांजा गोठे।
वांका मगज काम नहीं देवे,
अकलां के है टोटे।।1।।
कोई का चोरे धोगत्या,
कोई का चोरे लोटे।
अल्या गल्या में डोलतो फरे,
लागे दड़ी के डोटे।।2।।
छोरा छोरी तो मांगता रहग्या,
आप जीमग्या रोटे।
कूड़ा कूड़ा बचन बोले,
सामा करे अंगोठे।।3।।
समझा समझा हियो कायो,
मगज व्हे गिया भोटे,
सतगुरा शरणे लाडूराम केवे,
भजन के ओटे।।4।।
