सभा में मेरा कौन करेला निस्तारा,
आप करोला निस्तारा ।।टेर।।
जहां जहां तुझे याद किया था,
वहां वहां तू मौजूद खड़ा था।
नरसी का तूने भात भरा था,
काम काज सब सारा ।।1।।
द्रुपद सुता को चीर बढ़ायो,
बली छळ ने बावण बन आयाे।
अपनो जन प्रहलाद बचायो,
हिरणाकुश को मारा ।।2।।
मीरा बाई सदन कसाई,
नामदेव की छान छवाई।
कबीरा के घर बालद आई,
आप बणे बणजारा ।।3।।
अलीबक्स को गांव मण्डोवर,
सब भइयन में है टिकायत।
कहे गोविन्दर करे निछावर,
हृदय करो उजाला ।।4।।
खम्मा भली करी ओ गुरुदाता,
जीव राख्या चौरासी मू जाता।
भूलूं नहीं लाखा बातां ओ,
मारे राम भजन का ही नाता।।टेर।।
मैं कर्म गली मू आयो,
करमा में गाठो कलायो।
मैं अनी बनी में रहता,
माने गुरु बिन कोन जगाता।।1।।
गुरु आंख्या छता अंधियारा,
खोटा है भाग हमारा।
मैं पगां छता पांगलिया,
मेरा सतगुरु हेला सांभलिया।।2।।
गुरु मोह की नंदिया भारी,
मैं बह गया कितना बारी।
मारे सतगुरु पकडियो हाथा,
नी तो जातो गुडिन्दा खाता।।3।।
मैं धर्म गंगा में जाता,
माने गुरु बिना कौन नहाता।
मैं सत की संगत में आया,
स्वामी सिमरथ राम गुण गाया।।4।।
पहला जुगांं में प्रहलाद आया,
लारे रतनादे राणी।।1।।
दूजा जुगां में हरिचंद आया,
लारे तारादे राणी।।2।।
तीजा जुगां में जेठल आया,
लारे द्रोपद नारी।।3।।
चौथा जुगां में बलचंद आया,
लारे संजादे नारी।।4।।
दोय कर जोड़े राणी रूपादे बोले,
घर मालजी के नारी।।5।।
कारज सारो सृष्टि का सजी हो,
शंकर सुत देव गणपत।
तीन लोक के मायने सजी करे,
मुनि जन सेव गणपत।
करे मुनि जन सेव देव और दाहिना,
त्रिलोकी के माय रिया नहीं सायना।।1।1
एक समय नल भूपरा का,
छूट गया था राज गणपत।
दमयन्ती गणपत ने सिवर्या,
सर्या मनोरथ काज गणपत।
सर्या मनोरथ काज भूप नल उबर्या।
नरवरगढ़ के माय राज फिर से कर्या।।2।।
जान चढ़ी श्रीकृष्णचंद्र की,
कुनणापुर मांय।
देख रूप विकराल राज का,
ले गिया जान में नांय।
ले गिया जान में नांय शरम का मारिया,
मुसा खोदी भोम क जादव हारिया।।3।।
ब्रह्माजी सृष्टि रचाई,
पेली तुझे मनाया गणपत।
शिवशंकर का लाड़ला जी,
कोई पार्वती का जाया गणपत।
पार्वती का जाया काज सब सारिया,
ध्याया ज्यांरा का बेड़ा पार उतारिया।।4।।
ओछी पिण्डीया दूंद दुदियालाे,
भाल तिलक चमकन्त गणपत।
रिद्धि सिद्धि राणी ऊबी टेल में,
निसदिन चंवर ढुलन्त गणपत।
निसदिन चंवर ढुलन्त क हाजर टेेल में,
लच्छीराम पर कृपा करज्यो खेल में।।5।।
राम के नाम बिना रे मूरख राम के नाम बिना रे, जल जइयो जिह्वा पापनी, राम के नाम बिना रे ।।टेर।। क्षत्रिय आन बिना, विप्र ज्ञाण बिना, भोजन मान ...
