थू मत लेरे मालक हेरो,
मारे थारी बराबर डेरो।
यो भोल्यो / गरीब भगत हूं थारो,
थोड़ो मान राख ले मारो।।टेर।।
ये महल मालिया थारे,
या टूटी टपरी मारे।।1।।
ये राधा रूकमण थारे,
ये दोई जाटणिया मारे।।2।।
ये कान गोपणीया थारे,
ये दोई टाबर मारे।।3।।
ये बाग बगीचा थारे,
ये खेत में खेजड़ा मारे।।4।।
यो मगनो हाथी थारे,
यो भूर्यो पाडो मारे।।5।।
ये लाडू जलेबी थारे,
या खाटी राबड़ी मारे।।6।।
ये रथ तांगा थारे,
या टूटी गाडी मारे।।7।।
ये गास्या गुदड़ा थारे,
या फाटी राली मारे।।8।।
ये हिंगलू का ढोल्या थारे,
या टूटी मचली मारे।।9।।
यो जाट भवानो गावे,
चरणां में राखजो माने।।10।।
कोई टिप्पणी नहीं:
एक टिप्पणी भेजें