हर
भज उतरो ने पेले पार,राणा हर...।
डोरी
लागी रे हर रा नाम री रे जी।।टेर।।
बीज
न थावरियो रूड़ो बार,राणा बीज...।
राणा
जोधा रे जनमी डावरी रे जी।।1।।
जावो
छोर्या जोशी न बुलाय।
कन्या
जनमी वो मोटे रावले।।2।।
घर
नहीं जाणा वो वारी पोल राणा घर...।
कुण
रे अलाणे हेलो रालस्या रे जी।।3।।
सूरज
सामी तो वां री पोल छोर्या सूरज...।
घर
रे पछवाड़े पारस पीपली रे जी।।4।।
सुतो
व्हे तो परो जाग जोशी।
थाने
बुलावे मोटे रावले रे जी।।5।।
कुणी
बोली अपराधण रांड छोर्या कुणी...।
सूती
नगरी रा बालू ओजक्या रे जी।।6।।
मूंडो
समाली न बोल जोशी मूंडो...।
मोटा
घरां की बाजा डीकर्या रे जी।।7।।
काई
पडियो रे मोटो काम बाई वो।
कई
कामा से छोडिया आई रे जी।।8।।
काम
चाले द्वारका रो नाथ जोशी।
घर
का कामा से थाने छोडिया रे जी।।9।।
ले
ले थारा वेद न पुराण जोशी...।
जूना
जुगा का ले ले टीपणा रे जी।।10।।
लीदा
मारा वेद न पुराण बाई वो...।
जूना
जुगा का लीदा टीपणा रे जी।।11।।
झटपट
बांदी वो जोशी पाग झटपट...।
ढीली
पहरी रे जोशी धोवती रे जी।।12।।
भरलो
मोत्या न गज थाल छोर्या भरलो...।
जोशी
ने बुलावो मोटे रावले रे जी।।13।।
बांचो
थारा वेद न पुराण जोशी बांचो...।
जूना
जुगा रा देखो टीपणा रे जी।।14।।
जनमता
जशोदा बाई रो नाम भाया जनमता...।
मीरा
केही ने हेलो पाड़ज्यो रे जी।।15।।
हाथ
जोड़ी न जोशी बोल्यो भाई रे हाथ...।
बारा
बरसा में व्हेला जोगण रे जी।।16।।
कोई टिप्पणी नहीं:
एक टिप्पणी भेजें